Talua Tiolojical Trening Institut i stap:
- Blong givhan long ol Jos blong trenem gud ol man ples blong oli save mekem wok long parish mo blong oli kam olsem ol lida.
- Blong givim wan trening we I true, I gud mo I stret long Baebol mo stadi long saet blong Tiologi mo we trening ya hemi stret long fasin ya we kalja mo sosaeti blong Vanuatu mo Pasivik jenis bigwan tedei.
- Blong givhan long man mo woman blong soemaot mo holemtaet fasin blong uniti we yumi kasem long Jisas Kraes.
- Blong givhan blong trenem ol woman blong oli save wok blong olgeta insaet long Vanuatu tedei.
- Blong givhan long wosip, stadi, pleiplei mo fasin blong joen gud long wan komuniti we ol man wan long bilif mo pepos. Oli stap obei long wanem God i wantem blong mekem se misen blong God I save gohed gud mo jos i save kam niuwan.
- Blong provaetem wan opotuniti mo bildem wan ples we ani student long ani jos i save kam mo stadi blong go mekem wok. Wok we i save mekem ol man i kam wan mo we oli save gohed blong karemaot misen blong jos.