TTTI Hemi gat wan fes klas laebri we name blong laebri ia hemi Don Lewis Pacific Partnership laebri, Laebri ia hemi gat ova long 11,000 buk. Wetem wan bifala namba blong ol buk olsem, bae yumi save finem ol buk olsem ol Baebol diksenary mo olgeat buk long saed blong theology mo tu buk long saed blong histri blong jej, i gat buk tu long fasin blong man we hemi mekem wok blong God , mo olgeta storian abaot laef blong ol Kriten man. insaed long Laebri i gat tu ol spesel buk long saed blong Pasifik mo Vanuatu. Olgeta studen oli save mekem resej mo stadi blong olgeta long laebri ia mo tu oli save usum inernet blong karem plante save blong givhan long olgeta. Long yia 1997 Talua hemi gat wan fes laebrian, olgeta studen nmo ol wokman oli gat rit blong borro mo putum bak buk long laebri.
