Wosip long God hemi stampa blong evri samting we yumi mekem long TTTI. Tugeta long pablik mo long praevet, plante taem long ful dei, komyuniti blong TTTI I wosipim God long prea, ridim baebol, singsing mo fulap narafala rod. 

Wok Blong Pasta mo Smol Grup we Hem I Stap Lidim

Wok blong Pasta mo smol grup we hem i stap lidim hemi wan impoten pat tumas long ministry blong TTTI. Evri studen oli stap long wan grup we wan tija hemi stap lukaotem, mo oli stap go tugeta evri wik blong mit wetem Pasta blong olgeta. Ol student we oli mared wetem partna blong olgeta, samtaem oli save joen long grup ya mo wok blong Pasta blong lukaotem ol grup ya i go kasem ol program blong ol woman mo ful komyuniti.


Ol Aktiviti

Wan bigfala paoa long TTTI hemi ol difdifren aktiviti insaed long komyuniti. Ol tija, studen wetem famili blong olgeta oli joen long ol difren aktiviti ya, samfala long ol nomol program blong wik mo sam narafala long ol spesel aktiviti olsem:

  • Divosen evri moning
  • Tri studen go tugeta blong prea
  • Prebetri oli go tugeta
  • Sandei moning mo naet wosip
  • Sandei skul blong ol pikinini
  • Program blong ol pikinini oli go tugeta blong prea evri wik
  • Komyuniti aktiviti blong Fraedei naet
  • Grup blong singsing
  • Sport blong aftenun
  • Kakae blong komyuniti long ol spesel aktiviti