Evriwan long olgeta student oli liv mo stap nomo long eria blong TTTI we I stap long saot santo. Hemi tekem 45 minit nomo blong ron long trak I stat long luganville kasem long TTTI; we hemi wan ples we hemi naes tumas mo we I wan sef ples blong olgeta we oli no mared mo ol famle.
I gat ol haos blong olgeta student we oli mared mo olgeta oli save karem tri pikinini nomo I kam taem we oli kam blong skul.
I gat ol haos o domitri blong olgeta woman mo man we oli no mared tu.
Evriwan long olgeta student ya oli gat graon we skul hemi givim blong oli wokem karen long hem.
I gat wota saplae mo wan genereta we hemi givim elektrik paoa long ful skul long naet.
Sapos we yu gat eni kwestin long accommocation o hao yumi stap liv long TTTI plis kontaktem mifala mo askem.
