Talua Tiolojical Trening Institude we fastaem oli singaotem se Talua Ministri trening senta hemi gat wan longfala histori blong trenem ol pasta mo ol lay man blong oli mekem wok long saot pasivik. Nem ya Talua hemi kamaot taem we oli putum tugeta Presbyterian Baebol kolej long aelan blong Tangoa mo Aulua teological Trening Senta. Oli putum tufala nem tugeta i kam Talua. Presbyterian Baebol Kolij long Tangoa hemi open long 1971 blong givim tu yia blong trenem ol lay man blong mekem wok.
Aulua Tiolojical Trening Senta i stat long 1977 long Aulua long aelan blong Malekula blong trenem ol pasta blong Presbiterian Jos blong Vanuatu. Long 1986 tufala kolij ya i kam tugeta olsem Talua. Nem i kam long Tangoa mo Aulua we tufala kolij i stap long hem fastaem. Talua i tekemap misen blong tufala kolij blong trenem ol pasta mo ol lay man.
Long 1993 olgeta long Sao Pasivik Asosieisen blong Tiolojical Skuls (SPATS) akreditem Talua blong hemi oferem Diploma long Tioloji mo setiviket long Tiologi.
Long 1998 Talua hemi selebreitem ten anivesari blong taem we hemi bin open long Saot Santomo hemi makem samting ya to kokonas planteisen we ol student mo staf I planem.
Long 1999 Talua hemi stat blong oferem wan (1) yia trening long saet blong misen mo hemi oferem wan setifiket long stadi blong misen. Long taem ya I gat nain (9) student we oli tren blong go mekem wok blong misen long ol ples long Vanuatu we gospel ino kasem yet. Long 2001 narafala seven (7) oli tren blong goaot long bush misen. Long 2002 I gat eit (8) student we oli tren blong misen wok long tufala taon blong yumi.
Long en blong 1999, I gat wan akrimen we olgeta long Jos blong Melaneisia (Anglican) oli saenem wetem Talua blong blong tufala I wok tugeta blong trenem ol man mo woman. Long 2000 -2013 igat olgeta tija blong Anglican tu I bin kam stap mo wok long Talua.
Long 2009 Talua hemi statem Bachelor program we olgeta long Asian Tiolojical Asosieisen (ATA) oli akreditem. Ol fas grup oli kraduet long 2012.
Long 2017 ol baebol skul blong PCV we oli stap long wanwan presbiteri oli kam anda long Talua mo olgeta I oferem setifiket level 1.
Taem we kafman hemi setemap bodi ya Vanuatu Kwalifikeisen Atoriti, wan bodi blong lukluk long trening long Vanuatu, Naoia Talua hemi oferem setifikeit blong tu (2) mo setifikeit blong tri (3) yia, setifikeit fo (4) Mo Bachelor blong Tioloji we hemi tri (3) yia